Catro novos catedráticos e trece profesores titulares incorporáronse á Universidade da Coruña (UDC). O reitor, Julio Abalde, presidiu, no reitorado, o acto de toma de posesión.

Ao evento, asistiron o secretario xeral, Carlos Aymerich, o vicerreitor de Profesorado e Planificación Docente, Alberto Valderruten; o vicerreitor de Política Científica, Investigación e Transferencia, Salvador Naya, e a vicerreitora de Planificación Académica e Innovación Docente, Nancy Vázquez.

Por outra banda, a alcaldesa da Coruña, Inés Rey, asistiu este xoves á xornada de apertura organizada pola universidade e orientada ao alumnado que inicia este curso na UDC. A alcaldesa deulles a benvida aos novos alumnos e alumnas, xunto coa vicerreitora de Estudantes, Participación e Empregabilidade, María José Lombardía, e o reitor da UDC.