A plataforma de contratación do Estado abriu este luns o proceso para licitar a redacción do primeiro plan municipal de saúde mental do concello coruñés.

Trátase dun plan que nace como resultado do acordo entre o goberno municipal e a Marea Atlántica para a aprobación dos orzamentos 2022.

É un programa que inclúe a prevención, a promoción e a atención á saúde mental desde unha perspectiva de proximidade. A licitación do proxecto está dotada con 104.000 euros e ten un prazo de elaboración de dez meses.

SEMÁFOROS PARA INVIDENTES

Por outra banda, o concelleiro de Urbanismo, Vivenda, Infraestruturas e Mobilidade, Francisco Díaz Galego, presentou este luns o novo sistema acústico que se instalará nos semáforos da cidade para as persoas invidentes.

Esta demostración levou a cabo no cruzamento entre as rúas Juan Flórez e Médico Rodríguez e formou parte da programación da Semana Europea da Mobilidade, que continuará ata o día 22.