Os servizos de Salvamento Marítimo rescataron na tarde deste sábado a catro tripulantes do pesqueiro de bandeira británica ‘Arlanda’ tras sufrir unha vía de auga a 105 millas da Coruña.

Salvamento recibiu o aviso sobre as 18,30 horas e deu inicio a un operativo coordinado polo centro de Fisterra. Deste xeito, enviou ata o punto ao avión Sasemar 102 e ao Helimer 402, así como a buques que se atopaban na zona.

Así mesmo, o servizo de rescate relatou que a operación revestiu especial complexidade debido á dificultade nas comunicacións e a gran distancia á costa, “ao límite da zona SAR”.

Finalmente, o catro tripulantes foron trasladados en helicóptero ao aeroporto de Alvedro, na Coruña.