A alcaldesa da Coruña, Inés Rey, sumouse este fin de semana como unha bailarina máis aos ensaios dun musical benéfico e “100% coruñés” que destinará parte da súa recadación a apoiar familias en risco de exclusión social.

A rexedora participou estes días nunha das coreografías que prepara o elenco do espectáculo ‘Avanoa, o musical’, que encara a recta final dos ensaios nunha nave do polígono de Pocomaco antes da súa estrea o próximo 6 de outubro no Teatro Colón despois de dous anos de preparación condicionada polo dovid.

Composto e escrito por Juan José López, Gabriel Neto e Arturo Bermúdez, este músical pretende exercer de “escaparate” do talento da cidade herculina, pois todo o elenco, desde a repartición a músicos ou figuración, procede da Coruña.

Os beneficios do musical e a recadación íntegra da fila cero destinaranse ao ‘Programa Invisibles’ da Asociación Participa, unha iniciativa centrada en visibilizar a familias coruñesas en risco de exclusión social que, antes da crise sanitaria, nunca tiveran que recorrer aos servizos sociais.