A falta de aposta polas infraestruturas ferroviarias é algo continuo. E así o denuncia desta volta, o BNG que lamenta o “escaso investimento” para a comarca das Mariñas que expón o proxecto de Orzamentos Xerais do Estado (PGE) para o 2023.

O BNG considera prioritario a mellora da seguridade viaria e as infraestruturas e servizos ferroviarios, como a construción do ‘bypass’ en Betanzos e a implantación do servizo de proximidade. Unha obra demandada durante décadas que permitiría reducir o eterno traxecto A Coruña-Betanzos-Ferrol.

O ORZAMENTO DE 2021 “NON SE EXECUTARON”

“Os orzamentos de 2021 recollían unha partida de 120.000 euros pero non se executaron, o ano pasado contemplaban unha de 170.000 que tampouco se executou”, denunciou Rego, que sinalou que segundo os estudos realizados o proxecto “podería chegar a custar entre 20 e 40 millóns”.

PUNTOS NEGROS DA N-6

Noutra orde de cousas, o BNG demandou que o PGE para o 2023 “tampouco contemplan investimentos suficientes para mellorar a seguridade viaria, a iniciar pola N-6 ao seu paso polos concellos de Coirós, Bergondo, Aranga e Betanzos”.