A Coruña acollerá en outubro de 2023 o evento internacional de música Womex. Un evento que reunirá a unhas 3.000 persoas, entre programadores, promotores, empresas discográficas, xornalistas e artistas de todo o mundo vinculados á música folk, de raíz, étnica ou tradicional.

Womex realízase cada ano nunha cidade europea e, neste sentido, a alcaldesa subliñou a oportunidade que supón para a cidade, que se situará como “un referente internacional”, expuxo.
O Festival volve a Galicia despois de que se realizase en Santiago nos anos 2014 e 2016.