As colas que cada verán se producen na AP-9 para saír en Miño poden ser cousa do pasado. Para iso, Ministerio de Transportes, Mobilidade e Axenda Urbana (Mitma) iniciou a redacción do proxecto de mellora da conexión da estrada N-651 coa autoestrada AP-9, no termo municipal de Miño.
A situación poderíase solventar con esta obra, que prevé habilitar todos os movementos de tráfico posibles entre a AP-9 e a N-651 nesta contorna, grazas á implantación dunha nova glorieta.
De igual modo, a efectos de mellorar a capacidade de tráfico do ramal de acceso á praia grande de Miño, prevese a ampliación da vía, dotándoa dun carril adicional, así como a transformación da intersección actual coa estrada provincial DP-4803 nunha nova glorieta.
