Un home de 71 anos faleceu en Cambre ao quedar atrapado debaixo do seu vehículo, que cedeu cando trataba de arranxalo no garaxe coa axuda dun gato.

Segundo informa o 112 Galicia, ata o lugar mobilizáronse sanitarios, bombeiros de Arteixo, así como efectivos da Policía Local e do Servizo Municipal de Protección Civil.

Para acudir ao lugar mobilizouse unha ambulancia asistencial de SVB do 061 e persoal sanitario do centro de saúde de Cambre.