O Palexco acolleu este pasado xoves a presentación do doble programa especial de Salvados “Prestige, 20 anos despois”, realizado por LaSexta e Producciones El Barrio. Foi o primeiro evento que organiza Salvados nos 3 anos desta nova etapa co galego Gonzo á fronte.

O primeiro capítulo do especial emitirase este domingo, afondando sobre todo na xestión política e de comunicación da meirande catástrofe natural vivina no noso país. Un programa de “actualidade máxima” tendo en conta a política de desinformación estratéxica levada a cabo polo goberno popular do momento.

O programa conta con entrevistas a tripulante filipino, un inspector de Portos ou os ínclitos López Sor ou López Veiga, responsables da Capitanía Marítima e da Consellería de Pesca naqueles tempos, que a pesar da distancia, volven quedar perfectamente retratados.

O domingo 13 emitirase a segunda metade, xa co chapapote ata os xeonllos.