O partido Xudicial da Coruña contará cunha nova unidade xudicial. O Consello de Ministros aprobou este martes, o Real Decreto que permitirá a creación de tres unidades xudiciais en Galicia, para poder “afrontar, atender e resolver a carga de traballo existente na Administración de Xustiza en todo o territorio nacional”.

No caso de Galicia, ademais dun novo xulgado de primeira instancia (número 15) no partido xudicial da Coruña tamén se creará un xulgado de primeira instancia (número 6) no partido xudicial de Lugo; e un xulgado de primeira instancia (número 16) no partido xudicial de Vigo.