O Concello da Coruña, a través da Concellaría de Urbanismo, Vivenda, Infraestruturas e Mobilidade, comeza este xoves os traballos para a reurbanización do tramo do paseo marítimo entre o dique de abrigo e o cemiterio de San Amaro.
“Un percorrido de case quilómetro e medio de lonxitude que será renovado e mellorado co obxectivo de humanizar un espazo emblemático da cidade”, indica o goberno local.
Esta intervención, integrada na Estratexia Integrada de Desenvolvemento Urbano Sustentable (EIDUS) referida a as actuacións e proxectos con fondos FEDER da Unión Europea, implicará unha inversión de 3,1 millóns de euros para acometer a transformación integral desta sección do paseo marítimo.
Os traballos, que terán un prazo de execución de dez meses, foron adxudicados á empresa Petrolam Infraestruturas na Xunta de Goberno Local que tivo lugar o pasado 6 de outubro.
