Seis millóns de fondos europeos para a rehabilitación de vivendas na cidade

O Concello da Coruña recibiu a confirmación da asignación de seis millóns de euros para investir na rehabilitación de vivendas en diferentes barrios da cidade, segundo informa.

Estas axudas forman parte do Plan de Recuperación, Transformación e Resiliencia do Goberno central e están financiadas a través dos fondos europeos Next Generation.

Estas achegas empregaranse en catro Contornas Residenciais de Rehabilitación Programada (ERRP) da cidade. Trátase do Barrio das Flores, Cidade Vella e Pescadería, grupo de vivendas María Pita-Labañou e O Ventorrillo-Casas de Franco.

O goberno local dará prioridade ás actuacións no Barrio das Flores “para incentivar a recuperación dun barrio que ata o momento non foi obxecto de investimentos semellantes aos que se levaron a cabo noutras áreas da cidade”.

ÚLTIMAS

Lage aposta por crear un consorcio de transportes metropolitano “cooperativo” entre A Coruña e a súa área

As asembleas de persoal aproban o preacordo para o convenio do metal da Coruña

As festas de María Pita: arte, música e cultura no corazón da Coruña

Ecos do Sur dá un paso á fronte na problemática da vivenda: “É fundamental acompañar aos máis vulnerables no proceso de adquisición dunha vivenda”