A superestrella arxentina Tini regresa a España en 2023 cunha extensa xira de 9 concertos polo noso país que inclúe paradas na Coruña (24 de xuño), Barcelona, Córdoba, Cádiz, Fuengirola, Valencia, Gran Canaria, Murcia e Roquetas de Mar.

Farao cun potente espectáculo co que acaba de percorrer Arxentina e o cono sur, cunha “exitosa xira onde logrou rotundos sold outs“. Co mesmo espectáculo virará internacionalmente interpretando os seus novos hits e os seus grandes éxitos.

A carreira de Martina Stoessel, máis coñecida como Tini, é irresistible. A artista arxentina foi recoñecida como ídolo mundial e “unha icona para o público novo global”, sinalaron desde a organización a través dun comunicado.

Ademais, conta con 38 millóns de seguidores nas súas redes sociais, e realizou fazañas como a retransmisión en vivo do seu concerto o pasado 28 de maio no Hipódromo de Palermo da capital arxentina a través de Disney+ e Star+ en América Latina, España e Estados Unidos simultáneamente, para unha audiencia global de miles de millóns de persoas.

Tini é unha das estrelas latinas de maior éxito e relevancia dos últimos anos, “un fenómeno imparable” grazas a unha sucesión constante de éxitos que a situaron no máis alto das listas globais de Spotify, desde ‘Miénteme’ con María Becerra ata ‘La Triple T’, pasando por ‘La Loto’ con Becky G e Anitta ou ‘El último beso’ xunto a Tiago PZK.

Ademais, a arxentina colaborou con artistas como Coldplay, Alejandro Sanz, Ozuna, Sebastián Yatra, Karol G, Manuel Turizo, Lola Índigo, Morat, R3HAB ou Jonas Blue, entre outros.