A Garda Civil do Posto da Laracha anunciou este martes a investigación que o Instituto Armado mantén aberta contra un home, veciño desta localidade coruñesa, como presunto autor dun delito de ameazas de morte con arma branca.

Segundo informaron fontes da Benemérita, os feitos tiveron lugar o pasado domingo, 27 de novembro, cando nas inmediacións dun local de lecer nocturno da Laracha, o agora investigado ameazou a varias persoas cunha barra de ferro e posteriormente con varios coitelos dun “tamaño considerable”.

Tras a denuncia presentada por unha das vítima e entrevistarse con varias testemuñas, a Garda Civil iniciou unha investigación para identificar o autor dos feitos.

Tras unha procura minuciosa das armas brancas utilizadas e a súa posterior localización, a Benemérita procedeu a iniciar a investigación do home por un suposto delito de ameazas de morte con arma branca.