Un ciclista rescatou a un menor este xoves en Cambre tirándose ao río no que o neno se caeu. O menor recibiu asistencia por síntomas de hipotermia. Segundo informa o 112, ao redor das 19,00 horas, un particular chamou ao 112 para pedir axuda, posto que un menor estaba agarrado a algo para evitar ser arrastrado pola corrente, á altura do Paseo Fluvial da Barcala, en Cambre.
Durante esta conversación cos xestores do 112, o alertante viu como un ciclista que pasaba por alí tirábase para tratar de axudar ao neno. Ante isto, o 112 deu aviso a Urxencias Sanitarias de Galicia-061, Bombeiros de Arteixo, Servizo Municipal de Protección Civil, Policía Local e Garda Civil.
Cunha corda e un flotador, os membros do equipo local de emerxencias conseguiron sacar ás dúas persoas da auga para que recibisen canto antes a axuda médica necesaria, debido aos síntomas de hipotermia que presentaban.
