A rotura dunha tubaxe obrigou a cortar o tráfico na zona de Elviña, na Coruña, segundo informou a Europa Press a Policía Local. En concreto, sobre o mediodía cortouse o tráfico desde a rotonda das Paxarelas e a glorieta de Monelos, con retirada tamén de coches na zona.

Por parte da Empresa Municipal de Augas da Coruña (Emalcsa) está a traballarse no arranxo dunha avaría, que tivo a súa orixe nunha tubaxe de fibrocemento, confirmaron fontes municipais. No entanto, precisaron que a rotura non afectou o abastecemento “e en principio non hai coches afectados“, engadiron desde o consistorio.