Galicia detectou catro casos de variante do covid XBB 1.5, coñecida como ‘kraken’. Trátase de dúas pacientes da área de Pontevedra e outros da da Coruña. Diso informou a Consellería de Sanidade na tarde deste xoves a través dun comunicado no que aclara que ningunha do catro persoas infectadas con esta variante está hospitalizada.

Na nota de prensa, a Dirección Xeral de Saúde Pública do Goberno galego remarca que “coa información epidemiolóxica dispoñible, non se prevé que esta nova variante teña consecuencias máis graves que as variantes circulantes ata o momento”.

Con todo, a Xunta volveu a chamar á poboación a que acuda aos centros a completar a súa vacinación contra o covid. Para aqueles pendentes da cuarta dose, lembra que existen 29.000 citas semanais dispoñibles para adultos e 1.100 para nenos.

Todas elas xestiónanse a través do sistema de autocita. Os lugares e horarios poden consultarse na páxina web ‘coronavirus.sergas.gal/Contidos/Vacinacion-Covid-OC‘.

SITUACIÓN A 19 DE XANEIRO

Galicia rexistra 1.255 casos activos por covid, segundo o último parte da Consellería de Sanidade, actualizado ás 18,00 horas do día 18. Ademais, houbo dous novos falecementos, co que as mortes de persoas con coronavirus desde o inicio da panademia elévase a 4.047.

Os dous falecementos producíronse o día 17 e trátase dun home de 78 anos, na área sanitaria de Vigo, e dunha muller de 88 anos na de Ourense-Verín-O Barco de Valdeorras, ambos con patoloxías previas.