A delegación coruñesa da Confederación Estatal de Sindicatos Médicos en Galicia (CESM) solicitou ao Concello herculino que instale nas inmediacións do complexo hospitalario universitario da Coruña (Chuac) unha estación de BiciCoruña.

“Para facilitar o desprazamento de moitos dos profesionais que a diario chegan en tren ou autobús para traballar no centro hospitalario”, asegura.

A delegación sindical apunta que máis dunha vintena de facultativos procedentes da capital galega atópanse con dificultades de conexión e frecuencias da rede de autobuses para chegar ata o seu centro de traballo e apunta que unha gran maioría estaría disposta a utilizar a bicicleta eléctrica como medio de transporte.

“A instalación dunha estación de BiciCoruña no Chuac permitiría tamén o desprazamento neste medio de transporte a moitos profesionais residentes na cidade da Coruña, que hoxe nin se queira exponllo ao carecer desta posibilidade”, engade.