InicioSOCIEDADEOs senegales que auxiliaron a Samuel Luiz volven ter ofertas de traballo...

Os senegales que auxiliaron a Samuel Luiz volven ter ofertas de traballo tras ser despedidos

Publicada o

Por europapress

Os dous senegales que trataron de auxiliar a Samuel Luiz — o mozo falecido na Coruña en xullo de 2021 tras unha brutal malleira no paseo marítimo– recibiron ofertas de traballo tras o seu recente despedimento.

Así o confirmaron a Europa Press desde a CIG, sindicato co que se puxeron en contacto os dous homes tras o despedimento por parte de Puertas Betanzos, empresa que, no seu momento e tras coñecerse a súa participación no caso de Samuel Luiz, contratounos.

Está a haber algunha chamada, máis dunha, ao sindicato para ofertarlles un posto de traballo”, indicaron desde a central sindical. Desde a CIG, incidiron en que os dous homes o que queren é seguir “traballando”. “Queren gañarse a vida”, engadiron despois de denunciar que a empresa para a que traballaban despediunos por “coller vacacións”, algo que desde a mesma negaron.

En concreto, alegaron causas ecónomicas e produtivas e a necesidade de persoal “máis cualificado”. Con todo, desde a CIG, que se ratificaron nas súas denuncias sobre a empresa, aseguran que na carta de despedimento aos dous homes “recoñécese a improcedencia”. “Invoca causas económicas, pero non dá ningunha cifra que poida sustentalo”.

Tamén alegaron contradicións no relato da mesma sobre as causas do despedimento, mentres que a empresa avanzou que interporá unha demanda xudicial para esixir á CIG unha rectificación.

ÚLTIMAS

A CIG pide a Fiscalía a apertura dunha investigación pola agresión a un sanitario e un vixiante no Chuac

Representantes de CIG-Saúde pediron á Fiscalía provincial da Coruña que se abra unha investigación...

As traballadoras das residencias privadas reclaman mellores condicións para poder dar unha atención de calidade

Nova mobilización polas rúas da Coruña (é raro día que non haia colectivo denunciando...

O Goberno e a Deputación inauguran na Cidade das TIC o maior estudo virtual de España

O ministro de Transformación Dixital, Óscar López, e o presidente da Deputación da Coruña, Valentín González...

As traballadoras da Rede de Escolas Infantís Municipais sacan a careta a Borrego

Despois de meses esperando que o Concello cumprise as súas preguntas, as traballadoras da...