A plataforma SOS Desaparecidos e a Policía Local da Coruña fixéronse eco da desaparición dun home de 41 anos desaparecido desde o luns, 30 de xaneiro, na cidade herculina, onde foi visto por última vez.
Trátase de Hugo Ferney Cucuñame Correa, mide 1,62 metros de estatura, é de complexión grosa, ten o pelo negro, ollos castaños e unha cicatriz na cara.
Ademais da descrición e unha foto do desaparecido, SOS Desaparecidos indica tamén na denuncia que ten un Alfa Romeo de cor vermella e con matrícula C-6311-CH.
A Policía Local da Coruña tamén difundiu nas súas redes sociais esta información sobre o desaparecido para que calquera persoa que o vise contacte co 112 ou co 092. Ademais, están dispoñibles os teléfonos 642 650 775 ou 649 952 957.
