Os bombeiros sufocaron un incendio este mediodía no terceiro piso dunha vivenda de Fonteculler, concretamente no edificio número 7 da rúa Autonomía, que non deixou feridos.

Foi un veciño o que alertou a Emerxencias Culleredo do incidente, do que por agora se descoñecen as causas.

Ata o lugar desprazáronse axentes da Policía Local e Garda Civil, sanitarios e os bombeiros de Arteixo, quen procederon ao desaloxo dos veciños do edificio afectado así como á revisión dos anexos.