O Centro Municipal de Información á Muller (CIM) atendeu o ano pasado a 863 usuarias sobre distitos aspectos relacionados coa violencia de xénero. Así o informa o goberno local despois de que a concelleira de Igualdade, Benestar Social e Participación, Yoya Neira, xunto ao delegado territorial da Xunta, Gonzalo Trenor, visitase as instalacións.
Sobre o número de usuarias, Neira indicou que “se trata dunha cifra que se mantén estable nos últimos anos e iso obríganos a non baixar a garda”. “Que non haxa un aumento acusado de mulleres que veñen en busca de información non quere dicir que sexa menos preocupante”. “O problema segue aí e é terrible, como demostra o asasinato, dunha muller de Baiona”, engadiu a concelleira de Igualdade, Benestar Social e Participación.
