O PP local da Coruña convocou para este sábado, día 11, unha concentración “en apoio ás mulleres que ven como os seus agresores benefícianse da lei do ‘só si é si’ e ven reducidas as súas penas”, sinala.

“Son xa máis de 400 rebaixas e máis de corenta condenados por delitos sexuais que saíron do cárcere”, asegura o seu presidente, Miguel Lorenzo, e tamén candidato á Alcaldía.

O acto terá lugar ás 12,00 horas, ante a Delegación do Goberno en Galicia, tras as anteriores concentracións en Ferrol e Santiago, entre outras localidades. “Esta lei demostrouse ineficaz en lograr o seu obxectivo de protección á muller porque sempre debe estar á beira das vítimas, non dos seus agresores, e foi aprobada a pesar das advertencias destas consecuencias en informes e por membros do propio goberno”, asegura Lorenzo.