As fundacións María José Jove e Profesor Novoa Santos puxeron en marcha no complexo hospitalario universitario da Coruña (Chuac) un programa integral de formación en hemodinámica pediátrica.

As cardiopatías conxénitas son unha das primeiras causas de defectos conxénitos e a primeira causa de morte no primeiro ano de vida, explican. Coa posta en marcha desta bolsa no Chuac, “quíxose dar resposta a esta necesidade de formación dos especialistas en cardioloxía pediátrica xa que permitirá completar a formación en hemodinámica en cardiopatías conxénitas en idade pediátrica”.

Cunha duración de dous anos, o primeiro ano do programa centrarase en completar a formación en cardioloxía infantil e, fundamentalmente, en hemodinámica en cardiopatías congénitas; mentres que, no segundo, priorizarase formación en hemodinámica infantil e o desenvolvemento de simuladores.