O Concello da Coruña, a través da súa concellaría de Memoria Histórica, inaugurou este xoves a mostra ‘Camiños do Exilio 1939. Exposición de fotografías inéditas de Philippe Gaussot‘ na Casa Museo Casares Quiroga.

Trátase da primeira vez que estas imaxes chegan a Galicia e o Concello contou coa colaboración da asociación francesa 24 août 1944. O concelleiro de Educación e Memoria Histórica, Jesús Celemín, foi o encargado de presentar esta mostra que reúne unha serie de fotografías atopadas polo fillo de Gaussot entre os seus arquivos.

Estivo acompañado da presidenta de 24 août 1944, Véronique Salou, e da coordinadora da exposición, Begoña Maceiras. No acto, dixo que o “compromiso” do goberno local “coa Memoria Democrática e cos nosos exiliados e exiliadas quedou patente desde ao comezo do mandato e viuse en acontecementos como o Ano Internacional María Casares, gran símbolo do exilio coruñés en París”.