O conselleiro de Sanidade, Julio García Comesaña, lamentou as “modificacións unilaterais” promovidas, na súa opinión, por parte do consistorio coruñés en relación ao convenio para a ampliación do complexo hospitalario universitario coruñés (Chuac).

“Estamos preocupados por esas modificacións unilaterais que fixo o concello”, sinalou a preguntas dos xornalistas o titular de Sanidade nun acto no hospital coruñés. Con todo, apelou ao “marco de relacións para poder, entre todos, botar a andar as obras” e, en base a iso, mostrouse confiado en que “rectifique ese cambio unilateral”.

“Cambia completamente as regras de xogo do documento que asinamos”, engadiu Comesaña quen apelou a un cambio por parte do concello para “volver ao documento que tiñamos consensuado”.