A alcaldesa da Coruña, Inés Rey, trasladou o seu agradecemento e recoñecemento á galega Isabel Pardo de Vera tras o seu cesamento como secretaria de Estado de Infraestruturas. Dela, resaltou a súa “profesionalidade”. Fíxoo a preguntas dos xornalistas e ao ser cuestionado se cre que os proxectos ferroviarios relativos á cidade herculina veranse afectados.
“A ministra coñece a realidade das infraestruturas de Galicia, non vai haber cambios”, dixo convencida de que desde o Goberno tense “pleno coñecemento” das necesidades nesta materia.
Xa sobre Pardo de Vera indicou que é “unha grandísima profesional”. “Unha traballadora incansable, entende o servizo público como ninguén”. “Sempre, nos diferentes postos que estivo, fixo todo o posible para desbloquer infrestructuras pendentes e para botarnos unha man”, engadiu.
