Un total de 22 novos axentes obtiveron praza nas últimas probas selectivas celebradas para reforzar o cadro de persoal da Policía Local da Coruña.

Así o informa o consistorio despois de que hoxe tivese lugar o acto de toma de posesión dos axentes, que foron recibidos pola alcaldesa, Inés Rey, no salón de plenos. Rey deulles a benvida e destacou a vocación de servizo público de todos aqueles que forman parte das Forzas e Corpos de Seguridade do Estado.

Cinco dos novos axentes incorporaranse ao servizo de maneira inmediata e o resto farano nos próximos meses tras pasar polo preceptivo período na academia de formación.