A Deputación da Coruña convocou, a través da área de Normalización Lingüística, unha nova edición do Premio Rosalía de Castro, que chega ao seu décimo cuarta edición. O prazo de presentación termina o 28 de abril.

O seu obxectivo é, segundo informa o organismo provincial, “recoñecer iniciativas, traballos recentes, traxectorias de persoas, colectivos ou entidades comprometidas coa promoción e dignificación social do patrimonio lingüístico galego, tanto no ámbito da provincia como de toda Galicia”.

O certame está dotado con 15.000 euros e establece un premio de 5.000 euros por cada unha das súas tres categorías: a persoa e a entidade que máis destaquen na promoción do galego e ao proxecto concreto de dinamización lingüística que realice un traballo específico cos tramos de poboación de menor idade.