O candidato de Unidas Podemos á Alcaldía da Coruña, José Manuel Sande, denunciou que a aprobación da regulación do Consello Municipal de Cultura no pleno celebrado este xoves é “insuficiente” por ser, ao seu xuízo, un documento “limitado” o cal “non vai servir para arranxar os principais problemas do sector”.

“É unha boa metáfora política desta etapa culturalmente sen rumbo, anómala e para esquecer que vive a nosa cidade”, expresou en declaracións aos medios tras asistir como público ao pleno municipal.

Sande explicou que esta proposta é un documento “limitado, bienintencionado pero sen capacidade de decisión por parte do sector”. “Un regulamento que quere asesorar pero non vincular, informar máis que facer participar”, puntualizou.

Así mesmo, o candidato á Alcaldía destacou a necesidade “importantísima” de que A Coruña conte con “un goberno valente que deseñe políticas ambiciosas”. “A nosa aparición é xustamente un revulsivo pola parte que representa á rexeneración ética e tamén de proxecto de modelo útil de cidade”.