InicioECONOMÍARepsol estrea a súa nova terminal marítima para o tráfico de cru...

Repsol estrea a súa nova terminal marítima para o tráfico de cru no porto exterior da Coruña

Publicada o

Por europapress

Repsol operará cunha nova terminal marítima para o tráfico de cru no porto exterior en Arteixo, o que supón o histórico traslado das operacións deste tipo desde o porto interior, na cidade herculina.

No acto, e tras a visita das autoridades á nova terminal, tiveron lugar as intervencións. O presidente de Repsol reivindicou a refinaría da Coruña como un “activo” para a compañía e asegurou que a mesma continuará coa súa produción pero co obxectivo de reducir as emisións de CO2.

CARACTERÍSTICAS

Así mesmo, manifestou que a nova terminal, de 60.000 metros cadrados de parcela de chan e 52.000 metros cadrados de lámina de auga e na que se investiron 126 millóns, permitirá transitar á segunda fase para completar o traslado dos restos de tráficos desde o porto interior a Langosteira, ante unha concesión que finaliza en 2027.

Coa nova infraestrutura, lembrou tamén, dáse cumprimento ao auerdo subscrito en 2013 coa Autoridade Portuaria da Coruña, operando Repsol desde 2015 os tráficos sólidos no porto exterior, aos que agora se suma o cru, coa chegada xa na xornada do xoves dun petroleiro.

No acto, o presidente da Xunta manifestou que hoxe é “un día de celebración”. “Isto é o futuro”, dixo tamén aludindo, por outra banda, á implicación neste proxecto de diferentes gobernos. Tamén se referiu a a importancia da implicación de Repsol en “proxectos estratéxicos” promovidos pola Xunta.

Á súa vez, a subdelegada do Goberno na Coruña, María Rivas, fixo referencia ao respaldo do Executivo “para facer realidade investimentos”, mentres que a alcaldesa da Coruña, Inés Rei, manifestou que para a cidade é “un avance esencial” polas “posibilidades urbanas” no porto interior, pero tamén polo “fito” que supón a actividade en Langosteira.

Mentres, o rexedor de Arteixo aproveitou para demandar unha ligazón a Meicende na autovía ao porto exterior, así como para pedir que se ofrezan tamén servizos aos veciños da zona afectados, entre outras cuestións, por expropiacións. “Non só para a industria”, apuntou. O presidente do porto coruñés aludiu, no seu caso, á actividade portuaria no mesmo. “Este ano o que máis aumentou de España”, engadiu.

ÚLTIMAS

Olladas doutro tempo: Santa Lucía

A escalinata de Santa Lucía sube dende a avenida de Fernández Latorre ata a...

Un detido na Coruña tras desarticular dúas organizacións que regularizaban fraudulentamente migrantes

Axentes da Policía Nacional, coa colaboración de Europol, desmantelaron dúas organizacións criminais e detiveron a 69 persoas, 35...

O proxecto “Aquí tamén se fala” leva un dos Premio Rosalía de Castro de Lingua

A escritora, sociolingüista, política e profesora Pilar García Negro; o movemento de renovación pedagóxica...

“La Flor de Jamón” xa ten o seu documental

Dende o ano 1962 “La Flor del Jamón” é unha das jamonerías máis miticas...