InicioSOCIEDADEA área da Coruña queda sen coordinador da súa Atención Primaria tras...

A área da Coruña queda sen coordinador da súa Atención Primaria tras a marcha da actual directora

Publicada o

Por europapress

O Diario Oficial de Galicia (DOG) publicou este luns unha orde coa convocatoria pública para cubrir, por libre designación, a Dirección de Atención Primaria da área Sanitaria da Coruña-Cee.

E é que a anterior titular deste posto, que estaba cuberto de forma interina, accedeu a unha praza asistencial incompatible co posto de directivo, segundo fontes consultadas por Europa Press.

Agora, tras a renuncia desta facultativa, o Sergas abre unha convocatoria pública para a que os interesados teñan 10 días hábiles –ata o venres 17 de marzo– para presentarse. Os aspirantes deben presentar o modelo de solicitude do anexo II da orde e o seu currículo. A resolución farase pública no DOG e o posto poderá declararse deserto.

Precisamente, este luns publicouse tamén unha orde pola que se declara deserto o posto de xefe de servizo de Análises Clínicas na área Sanitaria de Pontevedra-O Salnés, porque non concorreu ningún aspirante.

AMPLIACIÓN DO CHUAC

Por outra banda, o presidente da Xunta, Alfonso Rueda, mostrouse confiado en que se logre un acordo co goberno local da Coruña sobre a ampliación do complexo hospitalario universitario (Chuac), aínda que lle instou a precisar que “problemas” hai co convenio remitido.

Pola súa banda, a alcaldesa, Inés ReY, a preguntas dos xornalistas, e sobre a reunión fixada para o día 14, indicou que a posición do goberno local é a de “máxima colaboración e o máximo respecto institucional”.

Á súa vez, cuestionado sobre este asunto, con motivo da inauguración das obras de remodelación do pavillón deportivo de Monte Alto, o presidente da Xunta instou ao consistorio a concretar os “problemas” existentes.

ÚLTIMAS

As tapas do 22 establecimentos que participan no Concurso de Tapas Picadillo

Ponse en marcha a XXII edición do Concurso de Tapas Picadillo co obxectivo de...

O Concello da Coruña investirá 15.000 euros en rehabilitar a escultura do Acuario

Jorge S. Peteiro Vázquez creou a peza escultórica para instalala en 1998 na Enseada...

Unha viaxe virtual en SkpMotor con Galicia Simracing Events

No programa de SKPMotor CuacFM o gravado este xoves 19 de novembro de 2026...

Outra noite de pelexas no cruzamento na Tonda de Outeiro sáldase cun ferido por arma blanca

Un home resultou ferido nunha pelexa entre varias persoas nun local da Coruña e...