Hai apenas unha semana que o Concello da Coruña actualizaba a ordenanza municipal para a protección e tenza de animais, provocando que a suba das sancións vaia de 100 a 500 euros. Pero para executala o gran impedimento é que os donos dos animais que non recollen os excrementos teñen que ser collidos in fraganti, tendo a posibilidade de actuar correctamente se ve mouros (véxase neste caso “policías locais”) na costa.

Por Cambre, a veciñanza parece educada, e esta semana a colaboración dun veciño, natural da Coruña, permitiu que a Policía Local identificase a un home que deixou as feces do seu can na vía pública. Lonxe de ser un acto puntual, tal e como advertira o individuo aos axentes, foi un comportamento recurrente por parte do acusado, cuxo domicilio está situado na rúa Amil. Grazas á información facilitada, a Policía Local puido comprobar como o dono do can evitaba recoller os excrementos do can, que se desprazou nunha zona verde situada na zona.

Estes feitos están tipificados como infracción leve na ordenanza reguladora de limpeza viaria e ornato público, podendo supoñer unha sanción de ata 750 euros.