O Boletín Oficial da Provincia (BOP) publicou este luns as bases de catro convocatorias de axudas da área de Cultura da Deputación da Coruña.
O seu obxectivo é, informa o organismo provincial, “apoiar actividades e investimentos culturais de entidades sen fins de lucro e corais polifónicas, bandas de música populares, entidades de música e baile tradicional galego e formacións musicais de gran formato da provincia”.
A institución provincial destina para estes fins un total de 1.980.000 euros e o prazo de presentación de solicitudes terminará o 31 de marzo.
Por outra banda, achegará 500.000 euros para apoiar ás confrarías de pescadores e agrupacións de mariscadoras e mariscadores da provincia da Coruña en cuestións como a contratación de persoal ou a modernización das súas infraestruturas, procesos de produción e comercialización.
