O Concello da Coruña abriu o prazo de solicitude das axudas económicas destinadas a micropymes, autónomos e entidades de economía social, co obxectivo de mobilizar locais comerciais baleiros, segundo informa.

Esta iniciativa, impulsada a través do programa ‘Mover los bajos’, busca “incentivar a dinamización do tecido empresarial local apoiando o proceso de creación de empresas no termo municipal, así como a aquelas que estean a implementar medidas innovadoras e sustentables cun impacto positivo na cidade e a súa economía”.

A convocatoria está dotada con 900.000 euros e, ademais de estar orientada á creación e mantemento de emprego na cidade, ideouse especificamente para microempresas e entidades de economía social.

O programa recolle tamén unha liña exclusiva de entidades de economía social con 100.000 euros do total do orzamento previstopara gastos derivados da realización de proxectos cualificados como de economía social.