As precipitacións localmente fortes ou persistentes afectarán este mércores ao oeste de Galicia, sobre todo na Coruña e Pontevedra, que terán risco (aviso amarelo) xa que poderán acumular ata 40 litros por metro cadrado en 12 horas. A entrada dunha fronte nesta pasada madrugada provoca ademais unha subida xeralizada das temperaturas en todo o estado. Os ventos soprarán do oeste e suroeste.
Prevese que a presenza da fronte provoque inestabilidade ata a noite do xoves, e para venres teremos unha situación intermedia.
