Este sábado 11 de marzo, ás 12:00h a praza de Ourense encherase de xentes do mar da Coruña para protestar contra os proxectos de parques eólicos mariños que a Xunta está intentando desenvolver no norte do noso país.

Unha concentración convocada pola coordinadora Eólica Así Non, da que forman parte máis de 200 colectivos, que se repetirá en varias zonas de Galicia, para demandar ao Goberno a retirada do Plan de Ordenación de Eólica Mariña (POEM), “que se respecte a actividade pesqueira e os ecosistemas” e “que se traballe a todos os niveis para dispor da información máis axustada posible para acometer a ordenación dos espazos mariños”, como recolle o ‘Manifesto de Burela’.