InicioECONOMÍAAlvedro, o último no ranquing dos aeroportos de Galicia

Alvedro, o último no ranquing dos aeroportos de Galicia

Publicada o

Por editor

Os aeroportos de Vigo e de Santiago de Compostela superaron en febreiro en número de viaxeiros rexistrados no mesmo mes de 2019, antes do estalido da pandemia do coronavirus, mentres que o aeródromo da Coruña continúa aínda con datos inferiores a ese ano.

Segundo as cifras publicadas este luns por Aena, o aeroporto de Lavacolla Rosalía de Castro contabilizou 194.488 pasaxeiros o mes pasado, un 17,8% máis que en febreiro de 2019, superando así “un mes máis os datos previos á pandemia grazas ao dinamismo que vén mostrando tanto o tráfico nacional como internacional nos últimos meses”.

Deste total, 193.986 viaxeiros proceden de voos comerciais, con máis de 150.000 que viaxaron en traxectos nacionais, un 9,6% máis, e 43.319 fixérono en ligazóns internacionais, un 65% máis. En canto ás operacións, o aeroporto compostelán rexistrou 1.573 voos en febreiro, un 15,7% máis que en 2019. Ademais, a terminal de carga xestionou durante o pasado mes máis de 368 toneladas de mercadoría, un 55,2% máis.

VIGO

Pola súa banda, Peinador rexistrou 76.149 pasaxeiros en febreiro (+6,9%, sempre respecto de febreiro de 2019) e 1.162 operacións (+34%). Así mesmo, contabilizou 44 toneladas de mercadoría, quedándose no 91,4% do que conseguiu en febreiro de 2019, sen alcanzar aínda niveis previos á pandemia.

Nos dous primeiros meses de 2023, a infraestrutura viguesa moveu 150.382 pasaxeiros, un 5,1% máis, con 2.382 voos, un 39,8% máis. A carga transportada aínda queda lonxe dos datos de 2019, cunha recuperación do 82,5%, ata 74 toneladas.

A CORUÑA

Con todo, Alvedro contabilizou 86.102 pasaxeiros en febreiro, recuperando nun 94,7% do tráfico de antes da pandemia, pero quedando así aínda con cifras inferiores. O número de operacións foi de 1.266, o que implica unha recuperación de máis de 96,5% respecto ao mesmo mes de 2019. As mercadorías transportadas quedan aínda no 52,3% da carga soportada antes da pandemia.

No que vai de ano, na Coruña rexistráronse 168.726 viaxeiros, un 92,7% do total que se contabilizou entre xaneiro e febreiro de 2019. Os movementos chegaron aos 2.370, un 93,4% se se compara con antes da pandemia e a carga transportada superou as 14 toneladas, cunha recuperación do 54,3%.

ÚLTIMAS

Detido un condutor por un atropelo múltiple con seis feridos en Juana de Vega

Un total de seis persoas resultaron feridas nun atropelo múltiple no centro da cidade...

Operativas outras 3 estacións de Bicicoruña entre o Martinete e Novo Mesoiro

Despois das activadas a semana pasada en Monte Alto, Vioño e Lonzas, o Concello...

De telonear aos Sex Pistols á Mardi Gras

Mentres camiña cara o seu 26 aniversario, continñua vivo a milagre da Sala Mardi...

O Concello da Coruña reunirase co sector hosteleiro para abordar a taxa turística

Representantes do Concello da cidade herculina e da Asociación Empresarial de Hospedaxe da Coruña...

DEIXAR UN COMENTARIO

Please enter your comment!
Please enter your name here