O ‘Bono Cultura’ promovidos polo Concello da Coruña esgotáronse o día do seu lanzamento. Un total de 3.568 usuarios descargaron a app que lles permitirán obter descontos de ata o 50% en transaccións en establecementos culturais da cidade herculina, segundo informa o goberno local.

Nesta edición, hai dous tipos bonos, un de 200 euros para abonar matrículas en centros formativos, que tivo 328 descargas; e outro de 60 euros para comprar artigos culturais que foi o elixido por 3.240 usuarios.

Os beneficiarios teñen un prazo de dous meses para cambialos nos negocios adheridos á compaña, 49 en total, dos cales 12 son academias e centros de servizos e o resto, tendas.

O ‘Bono Cultura’ conta este ano cun orzamento de 260.000 euros, os fondos non gastados no prazo establecido quedarán dispoñibles e poderá haber unha nova convocatoria ata consumir a totalidade do crédito.