InicioCULTURAO Club de Opinión Foro Cívico intégrase na A.C. Alexandre Bóveda

O Club de Opinión Foro Cívico intégrase na A.C. Alexandre Bóveda

Publicada o

Por editor

Dous entidades tremendamente activas como son o Foro Cívico e a A.C. Alexandre Bóveda veñen de unir forzas. O Club de Opinión do Foro, no que participa o noso Ricardo Vales intégrase na Asociación cultural mantendo o espírito co que o definía Manuel Rivas no manifesto fundacional de 1992: “Concordamos na creación dun Foro Cívico coa única pretensión de que esta iniciativa teña o xeito dunha tribuna de opinión pública, baseada no contraste e no diálogo, unha plataforma de expresión da pluralidade e das arelas futuristas, que contribúa á dinamización da sociedade civil”.

Afirman que as liñas de actuación serán a loita pola Reforma laboral e futuro das pensións, en defensa da Sanidade Pública, solicitar a reforma do Código Penal sobre os delitos de sedición e malversación ou o fomento da liberdade de expresión. Ademais realizarán accións para evitar a “desmemoria da escravitude na Coruña” ou para ordear o futuro dos peiraos do porto da Coruña.

Programa

Estas serán algunhas das actividades anunciadas para os próximos meses:

– 11 de abril, acto sobre Lei de Memoria Democrática e simboloxía franquista na Coruña, coa participación de Ana Romero, directora do Instituto José Cornide, que presentou un informe ao concello da Coruña para a eliminación de 14 rúas; Uxío Breogán Diéguez, director da Cátedra de Memoria Histórica da UDC e Manuel Monge, que ten publicado traballos sobre os restos do franquismo na Coruña e Galiza. Será coordinado por Emilio Vega.

– Eleccións municipais de 28 de maio. Como xa fixemos noutras eleccións, ofreceríamos a nosa tribuna ás cabezas das candidaturas máis representativas para que expoñan o seu programa de goberno.

– Eleccións Xerais de decembro de 2023. Debate a celebrar no mes de novembro.

– Premio Marcelino Liste Xustiza e Liberdade. Como xa fixera o Foro Cívico durante varios anos, que culminaría nunha cea de entrega do premio en decembro, arredor do Día Internacional dos Dereitos Humanos.

 

ÚLTIMAS

Mobilización en Abanca contra a represión sindical e pola readmisión de dúas delegadas despedidas

Traballadores e traballadores de Abanca concentráronse este venres, unha vez máis, diante da oficina...

O PSdeG atribúe á “estratexia” do partido a substitución de Rivas por Abalde: “Son dúas persoas extremadamente válidas”

A deputada do PSdeG Silvia Longueira atribuíu á "estratexia do partido" a substitución de...

Gonzalo Castro sobre a sinatura da licenza dun festival o mesmo día do seu comezo: “Se aplicamos os criterios de forma estrita non se...

Durante o pleno de onte, ademais de tratar a mala xestión do Noroeste, o...

O pleno aproba a ordenanza de mobilidade e das praias

O patinete non se poderá subir ao bus. O Noroeste tivo o seu...

DEIXAR UN COMENTARIO

Please enter your comment!
Please enter your name here