Unha muller e un menor tiveron que ser evacuados este domingo tras declararse un incendio na rúa Ángel del Castillo López, no municipio coruñés de Arteixo.

Segundo trasladou o 112 Galicia, o lume orixinouse nun televisor antigo sobre as 11,00 horas e estendeuse aos mobles lindeiros. Foi un veciño o que alertou á central de emerxencias de que vía saír fume do interior do inmoble.

Con esta información, os xestores do 112 pasaron aviso aos profesionais de Urxencias Sanitarias de Galicia-061 e aos Bombeiros de Arteixo. Ao lugar tamén acudiron axentes da Policía Local e efectivos de Protección Civil de Arteixo. Como consecuencia do fume, a muller e o menor tiveron que ser trasladados polos servizos sanitarios ao centro hospitalario de referencia.