O Concello da Coruña facilitará a tramitación das bolsas comedor ampliando os horarios de atención, que se estende ás tardes de luns a venres e sábados á mañá, segundo informa.
Esta ampliación de horarios farase efectiva desde este martes, día 21, nas oficinas de atención á cidadanía habilitadas especificamente para este proceso, no Fórum Metropolitano e o centro sociocultural Ágora.
Ademais, e co obxectivo de facilitar toda a información necesaria ás persoas interesadas no programa, ata este venres 24 levarán a cabo diversas sesións informativas nos centros cívicos municipais.
En concreto, ata o próximo 12 de abril, o Concello da Coruña mantén aberto o prazo de solicitude das bolsas comedor para o curso escolar 2023-2024.
