Tremendo partido o vivido o pasado venres en Almansa, no que o Leyma Basquet Coruña conseguía sumar a súa 8ª vitoria consecutiva. A vitoria afianza a posición entre os 4 primeiros (está 3º con 17 vitorias, 1 máis que Valladolid, Estudiantes e Lleida) para asegurarse o factor cancha, se ben a liga segue moi apretada con apenas 3 partidos de diferencia entre o 2º e o 8º.
“Gañar fóra de casa na LEB é moi difícil e máis como se puña o partido”, recoñecía o adestrador Epifanio, poñendo en valor a tremenda remontada cunha nova vitoria global, nun equipo onde sempre é complicado destacar figuras principais. Se cadra o papel de Barrueta e Diagne foi determinante nun treito final de tolos que se decantou para uns laranxas que están coa frecha para arriba.
O adestrador agradeceu o comportamento da afección da Almansa aplaudindo.
Sen tempo, este venres o equipo enfróntase no #OFornodeRiazor ás 20:30h ante o Alimerka Oviedo, unha das bestas negras do club herculino. Xa podes reservar as entradas.
