O Concello da Coruña culminará o luns a recuperación do xardín de San Carlos con tres novos olmos resistentes á grafiose, unha das enfermidades que está a afectar a este tipo de especies.

Os xardíns están abertos ao público desde o pasado mes de novembro despois dos traballos para a súa renovación, cun investimento de máis de 250.000 euros.

Durante os traballos de restauración dos xardíns, os técnicos detectaron a presenza de grafiosis en tres olmos. Para evitar a súa propagación e posible afectación noutros exemplares, retiráronse os olmos para substituílos posteriormente por uns novos inmunesa a enfermidade.