A conselleira de Promoción do Emprego e Igualdade, María Jesús Lorenzana, anunciou este sábado a apertura dun novo polo de emprendimento e apoio ao emprego, A Coruña Cidade, que se sumará á rede que tece a Administración autonómica para “impulsar a contorna emprendedora de Galicia”.

Segundo explican nun comunicado, estará emprazado na rúa Rafael Alberti e acollerá tamén o centro coordinador. Será un do tres polos urbans que prestarán servizo ás persoas emprendedoras, “un apoio especializado co reto de impulsar proxectos empresariais por toda a xeografía galega”.

A rede albergará antes de que finalice este ano un total de 15 polos. Na provincia da Coruña haberá un total de catro: aos da Costa da Morte, Rías Altas e Arco Ártabro e A Coruña sumarase tamén o de Terras de Santiago.

O Centro Coordinador-Polo de emprendemento e apoio ao emprego A Coruña Cidade será o encargado de planificar, coordinar e colaborar, “identificando sinerxías e conectando aos 14 polos restantes distribuídos polo territorio ás oportunidades de emprendimiento apoiadas e identificadas nos mesmos, creando así unha única rede cunha vertebración territorial en Galicia”.

“Será un espazo para estar á vangarda das tecnoloxías e da innovación”, destacou Lorenzana, que sinalou ademais que a Xunta continuará “traballando para seguir impulsando a creación e consolidación de novas empresas innovadoras e tecnolóxicas e para impulsar os valores de responsabilidade social e de sustentabilidade como marca para as novas empresas en Galicia”. “Este tres elementos marcarán as novas tendencias do emprendimento: Innovación, tecnoloxía e responsabilidade social”, comentou.

Así mesmo, indicou que o emprendimiento e a consolidación de empresas en economía social terá na Coruña “un espazo que dea visibilidade a esta forma de emprender e, así, que o Centro Coordinador será un espazo para acelerar os proxectos de economía social co reto de seguir crecendo en igualdade e benestar laboral”.

Destacan que calquera emprendedor da provincia, en definitiva, poderá dispor dun centro de referencia no que recibir acompañamento durante todas as etapas de creación dun negocio e acoller os novos proxectos empresariais que contribuirán a xerar riqueza e emprego nas súas contornas.

A conselleira anunciou a apertura deste novo polo no marco dunha xornada sobre mercadotecnia dixital que forma parte da programación que impulsa a Rede por toda a xeografía galega para promover Galicia “como terra de oportunidades para o emprendimiento”.

Esta mesma semana, Lorenzana deu a coñecer tres novos emprazamentos dos polos: O Carballiño (Ourense), A Fonsagrada (Lugo) e un urbano na cidade luguesa, ao que se suma agora o de Centro Coordinador – Polo de emprendemento e apoio ao emprego A Coruña Cidade.