Boas novas para os mercados de abastos municipais. O Mercado de Elviña celebrou o pasado venres a ocupación do 100% dos seus postos, cunha xornada de actividades musicais, talleres de cociña e regalos.

Esta é a primeira vez na que o Mercado de Elviña está ao total da súa ocupación, que conta con 56 postos en funcionamento e arredor dunhas 80 persoas empregadas en total. É ademais o único mercado municipal de Galicia destas características que conta coa totalidade das localizacións en funcionamento. “Un motivo de celebración que hoxe compartimos cos praceiros e praceiras de Elviña así como coa veciñanza do barrio” concluíu.

Máis mercados

Este mesmo ano abriuse o mercado de Durmideiras, totalmente renovado. En marcha atópase agora a remodelación do Mercado de Monte Alto, que a semana pasada abría a súa ubicación provisional.

Ademais, está aberto o concurso de ideas de Santa Lucía, tras décadas de espera.