Paso adiante para a construción dunha urbanización de 87 vivendas en O Carballo, Oleiros. O Diario Oficial de Galicia (DOG) vén de publicar o informe ambiental estratéxico do Plan parcial do sector SUND-19 O Carballo.
O informe recolle unha serie de propostas ao documento inicial, como a incorporación dun estudo da paisaxe urbana co contido axustado ao disposto no regulamento da protección da paisaxe de Galicia.
Tamén se pide ter en conta unha serie de recomendacións sobre medidas preventivas e correctoras sobre a definición das condicións de pavimentación exterior ou sinalización, entre outros aspectos.
