Afundación, a Obra Social de Abanca, Lunwerg, o Concello de Cambre e Abanca inauguraron este luns a mostra ‘Berces de vida. De paseo polos bosques de España’, comisariada polo biólogo e divulgador Joaquín Araújo.

No acto estiveron Mónica Varela Germade, concelleira de Cultura de Cambre; José Manuel Vilariño Orgeira, coordinador institucional de Abanca na Coruña; e María Teresa Cores, coordinadora da área de Cultura de Afundación.

Esta mostra está incluída en ‘Corrente cultural’, un programa enfocado á promoción de actividades culturais máis aló das sedes de Afundación.

‘Berces de vida. De paseo polos bosques de España’ permanecerá aberta ata o 13 de maio na Casa dá Cultura Vila Concepción. A exposición retrata os diferentes ecosistemas boscosos de todas as comunidades autónomas de España e pretende servir de chamada de atención sobre a necesidade da súa conservación.