O BNG rexistrou iniciativas no Congreso nas que reclama ao Goberno que realice as xestións necesarias para que o Fondo de Garantía Social (Fogasa) adiante o pago, de maneira inmediata, das indemnizacións aos extraballadores de Alu Ibérica da Coruña e Avilés.

En concreto, esixe solucións “a estas xustas demandas dos traballadores e establecer as condicións necesarias para que continúe a actividade industrial e a recolocación dos traballadores e traballadoras nas novas actividades”.

Nun comunicado, lembra que “tras dez meses do despedimento dos traballadores e traballadoras de Alu Ibérica” e despois de varias iniciativas do BNG, Fogasa “continúa sen asumir o adianto do pago a pesar de que despois podería repercutir contra a entidade responsable”. A petición fíxose público no día previo a unha nova xornada de mobilización convocada para este xoves polo expersonal da fábrica coruñesa.