O Día da Ciencia na Rúa reunirá a medio centenar de centros educativos de Galicia o próximo 6 de maio no parque de Santa Margarita.
Segundo avanza o consistorio coruñés, haberá actividades lúdicas e divulgativas para todas as idades. Ademais, os museos científicos coruñeses levarán a cabo unha xornada de portas abertas.
Este evento ten como protagonistas principais ao alumnado e profesorado de centros educativos de diversas localidades galegas “que traen as actividades e experiencias que prepararon durante meses para convidar a cidadanía a descubrir, aprender e xogar coa ciencia e a tecnoloxía”, explica o consistorio.
Esta xornada está organizada polo Concello da Coruña, a través dos seus Museos Científicos, a Asociación de Amigos da Casa das Ciencias e a Cátedra Emalcsa-UDC, ademais de con a colaboración da Fundación Española para a Ciencia e a Tecnoloxía do Ministerio de Ciencia e Innovación.
Así foi a edición do ano pasado:
